Білім бөлімі
Ақпарат
04 май 2022
36
0

Болашақ мамандықты таңдау








     Болашақ мамандықты таңдау - бұл әр адамның өміріндегі аса маңызды және жауапты қадам. Мамандықты ойланбастан кездейсоқ түрде таңдаудың зардабы – адамның бойындағы шынайы қабілетін іске асырмауы және өмір бойы өзі қаламайтын іспен айналысуына әкелетіндігі баршаға мәлім. Демек, мамандық таңдауда адам өзінің қабілеттері мен қызығушылықтарын нақты түсініп, оның қалайтын мамандығы бойынша білім алуға болатын жоғары оқу орындары және болашақта жұмысқа орналасу мүмкіндіктері туралы толыққанды ақпарат алуы аса маңызды. Сондықтан, Қазақстан аймағындағы оқу орындарымен жыл сайын аудан мектептерінің түлектерімен кәсіби бағыт-бағдар беру жұмыстарын жүргізу мақсатында  түрлі кездесулер ұйымдастырылады. 2022 жылы 4 мамырда Шығыстану факультетінің профориентациялық жұмысқа жауапты маманы, Г.Б. Тазабекованың ұйымдастыруымен Жуалы ауданына қарасты мектептердің бітіруші сынып оқушыларымен онлайн-конференция өткізілді. Онлайн-конференцияның басты мақсаты - мектеп түлектеріне мамандықты таңдауға кәсіби бағыт-бағдар беру, әрі олардың келешек мамандықтары жөнінде білімдерін арттыру. Онлайн кездесу барысында, ҚазҰУ оқытушылары университеттің  факультеттері, оқу үдерісі, Шығыстану факультетінде игеруге болатын мамандық түрлеріне қатысты толыққанды ақпарат берді. Конференцияның соңғы бөлігінде мектеп оқушылары ЖОО оқытушыларына өз сұрақтарын қоя отырып, қажетті ақпараттар алды.
Пікірлеу